Жусуп (Жүсүп) Мамайдын манасчылык өнөрү - кытайлык кыргыз эл оозеки адабиятынын гана эмес, бүтүндөй кыргыз элинин руханий казынасыны бермети. Белгилүү кытайлык кыргыз илимпоздору Токтобүбү Ысак кызы айым менен Адыл Жуматурду уулу мырза тарабынан жазылган бул эмгекте Жүсүп Мамайдын чыгармачылыгынын илимий иликтөө тарыхы жана залкар манасчынын изги жолундагы маңыздуу окуялардын жылнаамасы камтылган. 

"Мурас" коомдук фонду тарабынан "Тарых жана мурас" түрмөгүнүн алкагында коомчулукка тартууланып жаткан бул илимий-жамаагатттык эмгек "Манас" таанучуларга, жогоку окуу жайларынын студенттерине , түркологдорго жана жалпы эле окурмандардын кеңири чөйөсүнө арналат.