Кыргызча макал-лакаптар, нуска сөздөр, накыл кептер, залкар ойлор. Китепти түзгөндөр Жумаш Койчуманов жана Ысмайыл Кадыров

китептен үзүндү.

Кеменгер ачуууланат, кек сактабайт.

Тайкы акыл тереңге чабыттаса да, ал тайкы боюнча калат. Себеби анын чабаты тайкы.

Бычак канча өткүр болсо да, өз сабын жонбойт.

Кырсык аяк астынан табылгандай, бакыт да кишиге айттырып келбейт.

Бабалар өтөгөн бардык жакшы иштер аталарга , аталардын өтөгөн жакшы иштери балдарга сабак... Ошол жакшы иштерди тануу - колдогу шам чыракты өчүрүп, алга карай басуу менен барабар.

Түгөлбай Сыдыкбеков

Адамдын башкаларга кылаар эң чоң жакшылыгы эле үйүнөн адам болоор балдарды тарбиялап өстүрүү экен.

Тил - ар бир элдин каны, жаны.

Тилге кыянатчылык кылуу -демек , ал улутка кыянатчылык кылган менен тең катар бааланышы керек.

Чыңгыз Айтматов

"Манасчылык" кесибин тутканда ушул өнөрү менен элдик өнөрпоздордун кадырлуусу эсептелет. Манасчы, жомокчу деген атак эл тарабынан берилет (кандайдыр бир уйум жагынан эмес), эл берген атак чыныгы жана зобололуу болот.

Макелек Өмүрбай

Максат менен эмгек чырмалышканда, адам бардык мүдөөсүнө жетет. Максатсыз жашаган адамдын башка тирүү жандыктан айырмасы жок.

Сарт аке Доскулу уулу