Партиянын алтыны. Кыргызчага которгон Ахметов Адхам.

Советтер Союзу кулагандан бери кыйла жылдар өтүп кетти. Ага дейре  Ленинди жана Сталинди "Дүйнөлүк пролетариаттын жолбашчылары" катары эсептеп келишкен жана дале эсептешет. Бирок , баардык жашыруун документтерди окуп -талдоого мүмкүнчүлүгү келбеген элде эч айып жок. Алар коммунистик идеологиянын "жасалма өрдөктөрүнө" кынтыксыз ишенишкен. Бирок, тарыхтын чындыгы жууп салса кеткен колдун кири эмес. Жазуучу жана журналист Игорь Бунин архивдик материалдарга таянып, ошол өткөн доордун оң да, терс да жактарын окурмандардын сотуна коет.