Тибетте жашаган кыргыздар, Темирбек Токтагазиев.

Бул китепте Тибет тууралы маалыматтар чогултулуп, анда байыркы замандардан бери байыр алып кыргыз тилинде сүйлөп, кыргыз элинин айрым салттары менен жашаган элдин арасына барып бир жыл бою алардын жашоо шарты, үрп адаттары жана каада салттары менен жакындан таанышып келген жердешибиз Жолдошбек Султанов менен болгон дил маек, жана ошондой эле, Шамбаланын оорду тууралу кеп болот.

Тибетте жашап, өздөрүн "Аруу тукумубуз!", "Күн элибиз " - деген тектештерибиздин жашоолорун узарта ала турган көнүүгүлөрдүн сыры ачылып, окурмандарга сунушталат.

Китептен үзүндү..

Кыргызстан жөнүндө айтып берсем, алардын эч кандай маалыматы жок экен. Кыргыз эли бар экендиги туурасында түшүнүктөрү да жок экен. Алар кичине болсо да кызыгып калышты. Бирок, алар башка элдер менен байланышкысы келбейт экен. Чындыгында алардын табигат таануусу, аалам таанусу абдан жогору экен. Биз азыркы цивилизацияда көбүнчө байлыкка, материалдык баалулуктарга берилип калганбыз. ал эми "Манас" сыяктуу рухий илимдерибизге көп кызыкбайбыз. Анткени качан биз өзүбүздүн ички жан дүйнөбүзгө көңүл бурсак, ошондо гана көп илимдер ачылышы мүмкүн. Биздин жашообуздун түпкү максаты эмнеде? Эмне үчүн жашайбыз? Деги эле адамзаттын максаты эмнеде деген суроолорду беришибиз керек. Ошондо биз көп нерсеге жоопторду ала алабыз. Биз "Манас" эпосун алып көрсөк, бул Кудай Тааламдан жөнөтүлгөн улуу мурас, улуу илим. Манастын ички илимий философиялык түшүнүгү абдан жогору....